THE AFRICAN-AMERICAN HISTORY MONTH

Os días 20, 21 e 28 de marzo os alumnados de 4ºESO, A, desenvolveron ante o alumnado bilingüe de 2ºESO na asignatura de Cidadanía, o workshop titulado "The African-American History Month". Coordinados pola profesora de inglés, o alumnado expuso a truculenta historia dos escravos americanos, a abolición da escravitude e a loita polos dereitos civís e organizaron actividades.

TALLERES DE ORIENTACIÓN

O mes de marzo é adicado, case en exclusiva,ao Departamento de Orientación. Primeiro o Taller de Orientación Profesional para o alumnado de 4ºESO que rematou cunha mesa redonda sobre as experiencias de tres profesionais (unha arquitecta, un licenciado en Belas Artes e unha Técnica Forestal). De cara a final de mes, os alumnos de 3º e 4ºESO asistiron aos Talleres de Sexualidade e Drogadición.

ENTROIDO

Este ano todo parece retrasarse un pouco, así que, tivemos que esperar ata o 28 de Febreiro para ver chegar o colorido Entroido. Non tivemos moita sorte co tempo, pero sí cos disfraces, para mostra un botón.

TALLER DE FOTOGRAFÍA

No mes de febreiro iniciáronse as sesións do Taller de Fotografía impartido por Marta Moreiras. En concreto desenvolvéronse os días 21, 24 e 26 de febreiro e no mes de abril aínda terán lugar tres novas sesións. A ver se descubrimos a algún futuro artista!

TECER HISTORIAS

María Lado (escritora e atriz) estivo co alumnado de 3ºESO para desenvolver un obradoiro de expresión oral, corporal e escrita tan inspiradora como o seu título: "Tecer hittorias, vestirse de palabras". Esta actividade foi organizada polo EDLG e o departamento de Lingua Galega.

OS MISERABLES

E rematamos esta densa semana de febreiro con música. Esta vez, o departamento de CCSS foi quen propuso a principio de curso traballar sobre o musical "Os miserables" de Víctor Hugo e os departamentos de Música e Francés aceptaron gustosamente a invitación de...máis traballo. O resultado foi espectacular! O día 20 de decembro, na homenaxe a Josefa o coro interpretou cancións do musical. O día 13 de febreiro o alumnado de 4º ESO deu unha conferencia sobre a vida e obra de Víctor Hugo e o 14 de febreiro, como broche final, sete profesores acompañaron a 40 alumnos/as ao auditorio Mar de Vigo onde todos disfrutamos da música, a cor e a arte dunha obra inolvidable.

TEATRO

O día 13 de maio, o alumnado de 4ºESO foi a Vigo para asistir no teatro Salesianos á representación da obra: "A casa de Bernarda Alba" de Federico García Lorca. Os profesores de Lingua Castelá organizaron a actividade e acompañaron ao alumnado.

FOTOGRAFÍA EN CURSO

Este curso escolar grazas á iniciativa do departamento de Educación Plástica e Visual, estamos participando no programa "Fotografía en curso" sobre os espazos baleiros. Eliximos a antiga fábrica de Pontesa como punto de referencia e, a partir de aí, os distintos departamentos implicados comezaron a organizar o traballo e as actividades co alumnado,desde o taller de fotografía impartido por Marta Moreiras, ata entrevistas feitas a antigos/as traballadores da empresa. Pretendemos facer unha exposición final cos retratos e fotos máis fermosas que fagan os profes e os alumnos. A ver que sae!

XUBILACIÓN DE JOSEFA

O 20 de decembro de 2013 foi o último día de actividade docente para a nosa benquerida compañeira Josefa Canda Lorenzo. Despois de máis de 30 adicados á ensinanza, satisfeita pero tamén un pouquiño triste, díxonos ata sempre. Polo tanto, aproveitando que este ano temos un fermoso coro, regalámoslle un pequeno homenaxe. De tanto en vez, virá a visitarnos porque para ela o CPI Manuel Padín Truiteiro é a súa casa.

MAGOSTO

O pasado 12 de novembro celebramos o tradicional magosto cos mesmos "cociñeiros" de sempre Mentras tanto, os rapaces divertíanse E despois dos xogos, o importante: a comida baixo un reconfortante sol otoñal!

EXPOSICIÓN SOBRE O NEOLÍTICO

O 30 de outubro os alumnos/as de 1º de ESO visitaron a exposición sobre o Neolítico na cidade de Pontevedra. Tamén aproveitaron a ocasión para facer un pequeno percorrido pola cidade. A saída estivo organizada polo departamento de CCSS. Sentímolo pero non temos fotos!